Årsmelding for Haugesund Journalistlag 2006/2007

 

Styret har vore samansett slik: Thomas Førde (leiar), Rosa Iren Villalobos (nestleiar), Bjarte Amble (skrivar), Eli Osland (kasserar), Harald Nordbakken (fagleg sekretær), Marte Rommetevit (1. vara.) og Siri Handeland (2. vara). Vararepresentantane har delteke i samtlege  styremøte.
Styret har hatt 10 styremøte i tillegg til gjennomføring og førebuing av ulike arrangement i lagets regi.

Styret starta arbeidet med ein dags styreseminari Suldal i november i 2006, der arbeidsåret blei planlagt og arbeidsoppgåvene blei delte mellom styret sine medlemmer.

Styreleiar har delteke i to landsråd/lokallagsleiarsamlingar og i to heildagsmøte i Bergen samband med evaluering og nyoppstarting av Hauststormen.

 

Ny rekord, 103 medlemmer i HJ

Under årsmøtet i fjor sette styret som eit klart mål at HJ skulle passera 100 medlemmer i arbeidsåret som nå er omme. I dag kan me registrera 103 medlemmer, 5 fleire enn ved årsmøtet for eit år sidan. Dette er ei gledeleg utvikling som me vil skal halda fram.

 

Verveaksjon

Mot slutten av arbeidsåret laga styret ein prosjektplan saman med Frilansklubbens nyvalde styremedlem blant oss, Lise Marte Vikse Kallåk. Me har saman sett opp ein plan om verveaksjon og besøksrunde til redaksjonar der HJ og FJ har få eller ingen medlemmer. Målet er å kunna verva fleire medlemmer både til HJ og til FJ og samtidig styrka det faglege arbeidet der det ligg noko til atters. Me har nyleg fått innvilga pengar til dette prosjektet frå NJ.

 

Tekstreklameutvalet

Årsmøtet vedtok at styret skulle peika ut eit tekstreklameutval i HJ. Dette blei gjort straks etter årsmøtet. Desse vart med i tekstreklameutvalet: Eli Osland, Siri Handeland, Ivar Vaage, Randi Olsen og Thomas Førde.

Tekstreklameutvalet sette seg føre å utarbeida ein aktuell rapport om stoda i vårt distrikt i den korte tida som var att til Stord-konferansen siste helga i januar 2007. Utvalet fann fram til fleire døme på overtramp, som blei presenterte og drøfta under ”Småbrukarlaget” si samling på Stord. Drøftinga viste at lyset bør haldast fast og sterkt over dette problemet i fleire periodar.

 

 

 

Stord-konferansen 26. 27. og 28. januar

 

Det største arrangementet i HJ’s regi i året som gjekk var konferansen på Stord. Samlinga inneheldt mange element, som samling for HJ’s småbrukarlag, (for medlemmer i redaksjonar under 12 medlemmer), HJ’s årskonferanse med aktuelle debattema, kurs i nettsøk, tillitsråd, prisutdelingar, festmiddag og gjennomgang av prisvinnarane sine arbeid. Arrangementet var svært godt besøkt av medlemmene.

 

1. Samlinga fredagskvelden for dei minste redaksjonsblubbaneinneheldt  tre element: Først presenterte HJ’s tekstreklameutval si innstilling. Deretter presenterte landsstyrerepresentant Audun Solberg NJ’s arbeid med revisjon av tekstreklameplakaten. Til siste heldt Ketil Heyerdahl frå NJ’s sekretariat ei innleiing om lønnstilhøva i mindre redaksjonar.
2. Kurs i datastøtta journalistikkv/journalist Espen Andersen frå Asker og Bærum Budstikke. Dette blei halde lørdag formiddag.
3. Paralellt med kurset gjekktillitsrådmed gjennomgang av den faglege stoda i klubbane i lokallaget. Audun Solberg frå landsrådet snakka om aktuelle utfordringar for NJ. Ketil Heyerdahl svara på spørsmål om aktuelle faglege problem på dei ulike arbeidsplassane.
4. Etter lunsj blei halde ekstraordinært årsmøte i HJmed val av utsendingar til landsmøtet i NJ. Rosa Iren Villalobos og Thomas Førde blei valde.
5. Hovudseminaretstarta med Linda Eidesom i sitt foredrag stilte spørsmålet: Vil norsk døy ut som journalistspråk?
6. Paneldebatt om røynsler etter flyulukka på Stordvar andre hovudbolk. Der stilte me spørsmålet: Kva kan me læra og korleis katastrofar i framtida bør møtast? Både journalistar, redaktørar og informantar stilte i panelet.
7. Festmiddagen  lørdagskvelden blei eit av årets høgdepunkt.
8. Fotoprisenblei i år delt mellom Helen Frøyseth Hardanger Folkeblad og Alfred Aase fra Haugesunds Avis. Frøyseth vann 1. prisen. Meir enn 50 bilde vart sende inn til juryen som bestod av Knut Strand frå Bergens Tidende.
9. Journalistprisengjekk til Gaute Håkon Bleivik frå Haugesunds Avis for hans artikkelserie om ei kvinne som vart ramma av blind vald utanfor eit diskotek i Odda. Rosa Iren Villalobos fekk av juryen heiderleg omtale og diplom for sin radioreportasje om utslag av sosialhjelpsatsane i Haugesund. I juryen for journalistprisen sat Sigmund Hansen og Siri Handeland.
10. Presseprisengjekk til Lufthamnsjefen på Stord Jan Morten Myklebust mellom anna for hans innsats i høve til dei pårørande etter flyulukka i oktober 2006.
11. Søndagenblei mellom anna sett av til gjennomgang av vinnararbeida i Journalistprisen og  vising og drøfting av dei beste bilda frå Fotokonkurransen.

 

 

 

 

Fotoutstilling.

Etter kåringa av årets beste bilde på Stord, blei dei ti beste bilda med i ei vandreutstilling som HJ for første gong laga. Vandreutstillinga vart seinare vist i Haugesund, Stord, Rosendal og Odda. Harald Nordbakken i HJ-styret hadde ansvaret for å laga og distribuera denne vellukka utstillinga.

 

 

Multimedia–møte.

Kva skjer når lesarane blir journalistar?

Dette var temaet i foredraget som mltimediasjefen i VG.no , Torry Pedersen heldt på Stord 15. mars. Etter foredraget inviterte HJ, i samarbeid med klubben i Sunnhordland,  til samtale med multimedia sjefen i Noregs største nettavis om aktuelle utfordingar i grenselandet mellom nett og papir og i møtet mellom journalistar og publikum i nye kanalar.

 

Aprilmøtet.

HJ arbeidde med planar om å skipa til eit debattmøte i April. Me trudde me hadde avtale med innleiarar to gonger, men i begge høve trekte dei seg i siste liten. Dette skjedde så nær inntil møtedato at me måtte avlysa.

 

Landsmøtet i NJ

Rosa og Thomas var utsendingar frå HJ. I tillegg deltok Lise Marte for FJ.

HJ sitt framlegg om konkret satsing på betring av arbeidstilhøva i små redaksjonar blei tatt inn i handlingsprogrammet. Dette blei følgt opp i møtet i NJ’s landsråd nå i oktober med drøfting av konkrete tiltak til verving og opprusting av små og veike redaksjonar. Landsstyret skal gjera vedtak om tiltak i desember. HJ har alt fått løfte om pengar til lokale tiltak.

 

Journalisttreff på byen

Ei uformell samling for HJ-medlemmer blei halden i Haugesund i regi av HJ før jul i fjor. Samlinga var vellukka og godt besøkt. Diverre har det ikkje blitt tatt initiativ til fleire slike. Me bør kanskje organisera initiativgruppa betre eller annleis neste år. Kanskje dette ansvaret kan delegerast til ei frivillig gruppe utanfor HJ-styret.

 

Sommarfesten

Den tradisjonsrike sommarfesten tidleg  i juni blei halden i Haugesund i vakkert sommarver. Liekvel hadde me to økter innadørs. Den nye og spektakulære Haugalandsfilmen blei vist i Lille Maritim. Deretter heldt forskar Einar Leknes frå Iris innleiing til debatt om ulike framtidsscenar for utvikling av Haugalandet.

Eit godt måltid med god drikke attåt, leikar for born og vaksne med musikk etterpå, skapte ein vellukka sommarfest i Høvleriet.

 

Haustmøtet

Noregs truleg mest kjende valforskar, Frank Aarebrot kom til oss kort tid etter kommunevalet i september. Han tolka valresultatet, valdeltakinga og Frp sin lagnad etter valet. Som kommentatorar i panelet elles  deltok  redaktør Ronny S. Carlsson frå Haugesunds Avis og redaktør Lars Mæland i Sunnhordland. Einaste politikar i panelet var valvinnar men makttapar i Tysvær Randi Rettedal  frå Frp.

 

Hauststormen

Planlegginga av neste års regionale journalistkonferanse er komen i gang. I år/neste år samarbeider HJ med Bergen, Sogn og Fjordane pluss Møre og Romsdal om konferansen, som truleg skal haldast på Voss i månadsskiftet september/oktober 2008. Stavanger er invitert med som observatørar og prøvedeltakarar i håp om at dei vil bli med i samarbeidet neste gong slik at dette blir ein komplett og stor Vestlandskonferanse.

Thomas er med i hovudstyret for neste års konferanse medan Rosa er blitt medlem av neste års programkomite.

 

 

 

 

Vedlegg:

Årsmøte i Haugesund journalistlag 25.10. 2006

Tid: 1800.Stad: Hotell Maritim, Haugesund, Caiano 2

Leiar i Haugesund journalistlag, Thomas Førde, ønskte dei frammøtte velkomen. Årsmøtet hadde 18 deltakarar.

1. Godkjenning av innkalling og sakliste

Ingen merknader.

2. Val av ordstyrar og møteskrivar

Årsmøtelyden valde Thomas Førde til ordstyrar og Nils-Tore Sele som skrivar.

3. Gjennomgang av årsmelding 2005/2006

Thomas Fødre gjekk gjennom årsmeldinga, som var fyldig og gav prov på eit aktivt år. Mest gledeleg det siste året er auken i medlemstalet frå 87 til 98, ein vekst på nær 13 prosent. Ein vervekampanje vart sett i verk i løpet av året, og skal halda fram vidare. Målet er 100 medlemer. Fagleg sekretær i styret, Harald Nordbakken, i lag med Thomas Førde orienterte litt om korleis dette arbeidet hadde gått føre seg.

I løpet av 2005/2006 har Haugesund Journalistlag skipa til Stordkonferansen, debattmøte, Sommarfest, tillitsråd og i tillegg vore med å gjennomføra Hauststormen på Voss. Året baud også på streik for fire av medlemene, som arbeider i NRK. Nestleiar i styret, Rosa Villalobos, fortalde om sine erfaringar med å vera i streik.

Framover ventar mange utfordringar for journalistlaget. Kva følgjer får samanslåing av aviskonsern og skifte av eigarskap til utlandet? Ei av dei viktigaste oppgåvene i organisasjonsarbeidet til Haugesund journalistlag er hjelpa dei små redaksjonsklubbane.

Årsmeldinga blei lagt fram utan merknader.

4. Gjennomgang av rekneskap

Kasserar Eli Osland gjekk gjennom rekneskapstala for Haugesund journalistlag det siste året, der det er blitt brukt 137.206 kroner. Nær 19.000 kroner blei sendt attende til NJ sentralt, mestedelen av refusjonen er for eit medlemsmøte som ikkje vart skipa til som planlagt.

I NJ-samanheng er vårt lag det minste, men me er svært aktive. Stord-konferansen er eit stort medlemsarrangement over ei heil helg. Midlar til dette utgjer halvdelen av tilskotet me får frå NJ. Rekneskapen vart godkjent utan merknader.

5. Framlegging av arbeidsprogram for 2006/2007

Nestleiar Rosa Villalobos gjekk gjennom styret sitt forslag til arbeidsprogram for 2006/2007. Styret legg opp til eit like aktivt år som det føregåande. Det blir ulike tilskipingar og styreaktivitetar. Medlemsaktivitetar er det lagt opp til i januar, april, juni, august/september og oktober 2007. Dette er arrangement som Stordkonferanse, debattmøte, tillitsråd og sommarfest.

I løpet av det neste året skal dessutan styret i HJ utnemna eit eige tekstreklameutval. Haugesunds Avis har alt oppretta eit slikt utval. Styret i HJ utnemner dette utvalet.

På årsmøtet vart det også lufta om det skal takast initiativ til uformelle kveldstreff for journalistar innimellom. Dette er noko HJ-styret tek med seg vidare.

Arbeidsprogrammet vart godkjent utan merknader.

6. Val av nytt styre

Mot tampen av årsmøtet vart det halde val av nytt styre i Haugesund journalistlag. Harald Dale la fram innstillinga frå valkomitéen.

Thomas Førde (Stavanger Aftenblad) tok attval for eitt år som styreleiar. Eli Osland (Haugesunds Avis) tok også attval for to nye år som styremedlem. Bjarte Amble (Haugesunds Avis) blei vald inn for to år som styremedlem, etter å ha vore varamedlem det siste året.

Styret elles, er: Harald Nordbakken (Haugesunds Avis), ikkje på val og Rosa Villalobos (NRK), ikkje på val.

Nye varamedlemer til HJ-styret er Marte Rommetveit (Bladet Sunnhordland) og Siri Handeland (TV Haugaland).

Nils-Tore Sele (Bladet Sunnhordland) gjekk ut av styret, i lag med varamedlem Jane C.S. Jünger (Bladet Sunnhordland).

Kristine Sele (Haugesunds Avis) og Arne Frøkedal (Haugesunds Avis) tok attval som revisorar.

Etter forslag frå styret vart ny valkomité sett saman: Harald Dale (NRK), attval, Truls Horvei (Haugesunds Avis), attval og Silje Andvik Hoaas (Hardanger Folkeblad), ny.