Marte Rommetveit (26) frå Stord, er tilsett i fast stilling som journalist ved Stord-redaksjonen til Bladet Sunnhordland. Ho byrja i den nye stillinga 1. januar. Frå før har Rommetveit erfaring frå redaksjonen som sommarvikar. I haust arbeidde ho i avisa i nokre månader som vikar for Randi Olsen, då sistnemnde var på eit lengre opphald i Frankrike.

Avisa på Stord forsterkar redaksjonen ytterlegare med at vossingen Frode Myhra Gjerald (31) har fått stilling som journalist i eit vikariat på eitt år. Han byrja i jobben 16. januar. Myhra Gjerald kjem frå avisa Finnmark Dagblad der han har arbeidd i fleire år. Han har tidlegare jobba for avisa Tysnes.

Myhra Gjerald går inn i redaksjonen av di journalist Svein Olav B. Langåker har fått ei prosjektstilling på eitt år som ansvarleg for Sunnhordland si nettsatsing.