Det har vore nokså lite med framlegg frå nynorskfylka Hordaland, Sogn og Fjordane og Møre og Romsdal til Kultur- og kyrkjedepartementet sin nynorskpris for journalistar, som har eksistert i to år. Litt betre frå Rogaland. 

Prisen skal gjevast til ein journalist som har utmerka seg med bruk av levande og god nynorsk i norske media, og som gjennom arbeidet sitt har gjeve nynorsken status og innpass på nye område. Alle kan føreslå kandidatar og fristen for å kome med forslag er 1. mai.

Tidlegare vinnarar er Linda Eide og Kjell-Erik Kallset. Juryen har møte 15.mai. Der er Gry Molvær(biletet) leiar, og har med seg Tom Hetland og Olaug Nilssen.

Prisen vert delt ut på dei Nynorske festspela i Ørsta 26.juni.

Din kandidat sender du til: Nynorsk Mediesenter, Postboks 100, 6801  FØRDE eller på epost til nynorskmediesenter@nrk.no . Merk brevet "Nynorskprisen08."