I sin tale under prisutdelinga peika leiaren i Haugesund Journalistlag, Thomas Førde, mellom anna på  at Frøynes  har nyleg gått av etter 9 år som leiar av Alnor Kjemiske Fagforening, AKF. - Med sine 1400 medlemmer er AKF den største fagforeininga i Hydro-konsernet og samtidig ein av dei aller største klubbane/fagforeningane i norsk industri, sa Førde, som også peika på at  Solveig Frøynes er første kvinneleg leiaren i AKF, ein fagforening med knapt 12 prosent kvinneleg medlemmer. - Dette syner at Frøynes har styrke og eit sjeldent pågangsmot, sa leiaren i Journalistlaget.

    Han sa vidare at dei siste åra har tilsette ved Hydro Aluminium Karmøy blitt hardt pressa med trugsmål om dramatiske nedskjæringar i talet på tilsette.  -Solveig Frøynes har stått fremst i kampen mot at nedskjæringane skulle bli for smertefulle og omfattande. Ho har langt på veg lukkast, sa Thomas Førde.

     Han peika dessutan på at Frøynes har i sitt arbeid som tillitsvald lagt vinn på  utvikling av samarbeid for å finna samlande løysingar. - I motgang som i medgang har ho vore lett tilgjengeleg for oss i media med forklarande bakgrunn og kommentarar, sa Journalistlagsleiaren, som heldt fram:

   -  Prisvinnaren er ei framståande talskvinne for hardt pressa industritilsette. Som fagforeining  stiller Haugesund Journalistlag seg solidarisk med industriarbeidarane. Mange mediatilsette fører også i dag ein kamp mot grådige eigarar, som vil gjera kvardagen vår meir utrygg og meir stressande.

       Solveig Frøynes har slåss frå ein ståstad og med våpen som Journalistlaget kan identifisera seg med. Haugesund Journalistlag vi difor heidra henne med den årlege Presseprisen, sa Thomas Førde, leiaren i Haugesund Journalistlag.

       Prisen er ei karaikaturteikning laga av avisteiknar Kåre Eikeland.