Referat frå styremøte i Haugesund journalistlag, torsdag 12. januar 2006

Stad: Stavanger Aftenblad, Haugesund

Til stades: Thomas Førde, Bjarte Amble, Harald Nordbakken, Nils-Tore Sele. Eli Osland kom mot slutten av møtet. Rosa Villalobos og Jane C.S. Jünger var hindra frå å stilla.

Sakliste:

1. Førebuing og fastsetjing av programmet til Stord-konferansen, 27. til 29. januar.

2. Sak frå klubben i Sunnhordland om breiband, nettleverandørar og bruk av nyhendestoff.

Sak 1:

Stord-konferansen byrjar i år som tidlegare med "småbrukarsamling" fredag kveld, 27. januar, der medlemer frå småklubbane møtest. Samlinga byrjar så tidleg som klokka 18.00. Deltakarane får frukt e.l. å bita i før middagen seinare på kvelden. Dette står klart 17.30. Eli Osland/Rosa Villalobos ordnar dette med hotellet på Stord. Eli Osland tar seg dessutan av middagsmeny/drikk, etc på middagen seinare om kvelden, og i tillegg detaljar kring matserveringa om sundagen, der me etter programmet også skal ha lunsj. Treng me betala for lunsj for alle, då erfaringsvis mange kanskje alt har reist tidlegare?

I år har HJ fått tak i SKUP-vinnar Trond Egil Skrunes som skal fortelja om korleis han fekk denne gjeve prisen, litt uvant av di han jobbar i ein liten avisredaksjon. Programmet held fram med at deltakarane frå avisene går gjennom det siste året, kva dei har opplevd, slitt og streva med. Klubbleiarane vert kontakta i forkant og blir bedne om å senda inn lokalavtalar. Thomas Førde tar seg av dette Ei ekstra gulerot for oss alle er at NJ-leiar Ann-Magrit Austenå og Ketil Heyerdahl blir med. Under denne bolken vil også Ivar Vaage fortelja om den unike Grenda-avtalen.

NJ-leiaren fortel om vår fagorganisasjon, lovar, rettar, fordeler etc, om det å vera medlem. Deltakarane utfordrar henne med spørsmål/problemstillingar. Kva vil våren bringa? Hovudoppgjer er nøkkelen, blir streik/konflikt utfallet?

Laurdagen byrjar med skrivekurs for komande nettjournalistar. Etter styremøtet er det blitt klart at Thomas Førde har fått tak i undervisingsansvarleg frå TV2/Nettavisen. Så er det tid for tillitsråd, resten av gjengen held fram med skrivekurset. På tillitsrådet blir NJ-leiar og Heyerdahl med. Sentrale spørsmål vert tilleggspensjon/opphavsrett til nyhendestoffet når nye nettselskap skal leika nyhendekanal. I tillegg ynskjer me å utfordra NJ-folka på kvifor det er så vanskeleg å nå fram hos dei til tider. Andre tema er Kopinor, pressestøtte m.m.

Lunsj 12.30, og hovuddelen av seminaret startar.

Klokka 13.30 startar den delen av programmet som også er ope for publikum. Den vidgjetne portrett-journalisten Hallgeir Opedal, opprinneleg odding, skal i samtale med Silje Nåstad Svennevig fortelja om sitt virke, og hans arbeidsmetodar. Eit slags journalistbadet, eller portrettbadet, med andre ord.

Etter kort pause, startar programmet att omlag klokka 14.45. Her vil me sjå kritisk på magasinsatsinga til nær sagt alle aviser av ein viss storleik i dette landet. Fører dette til ufarleggjering og koseleggjering av journalistikken. Odd Kåre Grøttland frå HJ mogleg deltakar i panelet, i tillegg til medievitar. Bjarte Amble godsnakkar med Grøttland. Ikkje alle detaljar klarlagt kring denne programposten enno. Klart at Lars Helle, magasinsjef i Dagbladet, kjem til oss.

Kl 16.20 kaffipause og slutt på open del av tilskipinga.

Klokka 16.45. Neste post blir HA si dekking av Kloster-saka. Arne Frøkedal kjem og fortel. Debatt. Kva gjorde nett denne saka så viktig for HA? Lesarombod Terje Angelshaug i BT stiller opp. Debattleiar må skaffast. Thomas Førde spør Lars Mæland.

Denne delen av programmet endar 1815.

Kveldsprogrammet byrjar med middag klokka 20.00. Under middagen blir det utdeling av HJ sin pressepris, fotopris til blinkskot frå våre medlemer og utdeling av journalistpris. Styret i HJ plukkar ut vinnar av pressepris. Thomas Førde tingar teiknar til å utforma det, spør Kåre Eikeland om jobben. Prisen er teikning av vinnaren. Jury i fotokonkurransen blir Knut Strand, fotograf i BT. Bjarte Amble og Elisabeth Fiveland er jury for journalistprisen.

Thomas Førde sender ut purremailar på fotoprisen og journalistprisen til medlemene våre.

Søndag føremiddag: Fagleg innretta program. Satsar på å få nytte av Ketil Heyerdahl, kanskje spesielt for styret i HJ.

I forkant av Stord-konferansen skal medlemene i styret ta ein påverknadsdugnad for å få flest mogleg deltakarar:

Harald Nordbakken kontaktar Suldalsposten og Grannar. Han får også i gang ei mobilisering i HA.

Bjarte Amble vender seg til Tysvær Bygdeblad.

Rosa Villalobos snakkar med kollegene i 102 og kontaktar TV Haugaland.

Thomas Førde tar seg av kontakten med NRK i Haugesund, og kontaktar Hardanger Folkeblad.

Nils-Tore Sele påverkar Sunnhordland, BØMLO-nytt, Kvinnheringen, BT på Stord og NRK der.

Jane C.S. Jünger kontaktar Vestavind og Tysnes.

Sak 2:

Klubben i Bladet Sunnhordland har skrive til styret i HJ der dei ber om uttale på grunn av at Kvinnherad Breiband vil leggja ut avisa sine nyhende på sitt breibandstilbod. Dette vil dei ha gratis frå avisa. Klubben meiner at dette ikkje kan skje utan kompensasjon.

Styret i HJ stiller seg bak at her er det opphavsretten som gjeld. Thomas Førde vil avklara med NJ sentralt om spørsmålet og sidan senda svar tilbake til klubbleiaren i Bladet Sunnhordland.

Finnås, 16. januar 2006

Nils-Tore Sele

Skrivar i HJ

 

Denne mail har blitt scannet av http://www.virus112.no
This e-mail has been scanned for viruses by http://www.virus112.no