Streikekonsert i Førde

Av

(01.06.06) Tysdag 6. juni klokka 16.00 blir det stor streikekonsert i Førde sentrum. Oddvar Torsheim, Synnøve Bjørset og Ole Johannes Øvretveit er mellom namna du får oppleve på scena utanfor Førde torg. Alle journalistar i Sogn og Fjordane er invitert til å delta. Det er sjølvsagt også alle andre som ønskjer informasjon om streiken. Det blir god underhaldning, streikeinformasjon og litt godt å bite i.



I overkant av 30 NRK-journalistar gjekk ut i streik klokka 15.01 onsdag 31. juni. Det er desse som arrangerer streikekonserten i Førde på tysdag. 

Inviterer alle journalistar
-Vi ønskjer å samle dei streikande, og fortelje dei som til vanleg høyrer og ser på oss om bakgrunnen for streiken. Det seier streikeleiar i NRKJ Terje Gilleshammer. Han inviterer også samtlege journalistar i fylket til samlinga. Alle avisjournalistane i Sogn og Fjordane kan også vere i streik på laurdag, dersom ikkje meklinga mellom NJ og MBL endar i avtale. Isåfall blir streikekonserten også streikearrangement for desse.

STØTTAR STREIKEN: Oddvar Torsheim er mellom kulturpersonane som støttar NRK-journalistane sin streik.

UNG, FRAMFUS OG DYKTIG: Synnøve Bjørset er ein ung og dyktig folkemusikar NRK-journalistane er stolte av.

 

Odvar Torsheim blir med
Oddvar Torsheim, Synnøve Bjørset, Birger Meland og Ole Johannes Øvretveit har alt gjeve beskjed om at dei vil delta på streikekonserten. Fleire namn vil kome etterkvart. I tillegg blir det apellar, litt grillmat, kakelotteri og kjempegod stemning.

Sogn og Fjordane journalistlag er også med som arrangør av streikekonserten. Dei samlar alle sine tillitsvalde i Førde denne dagen.
Streikeplakatkonsertpdf2
(494kb)


Sjå plakaten for arrangementet.
 



Idium webpubliseringWEBPUBLISERING