Streikekonsert i Førde

Av

(07.06.06) Det var god musikk, mat, streikeappell og humor på streikekonserten til NRK-journalistane i Førde tirsdag. Kulturlivet stilte opp og støtta lønskampen. Publikum storkoste seg i sommarvarmen som endeleg er komen til Vestlandet.

Sunnfjord viste seg frå finsida då NRK-journalistane inviterte streikande, samtlege journalistar i fylket, fagforeiningar og publikum til streikekonsert i Førde sentrum tysdag 6. juni.

Kulturlivet støtta opp
Kulturlivet viste at dei støttar kampen som NRK-journalistane kjempar. Både Oddvar Torsheim, Synnøve Bjørset, Øyvind Lyslo, Ole Johannes Øvretveit, Laila Beathe Førde og NRK sin eigen Birger Meland deltok på konserten.

Triste dagar

Det er kjekt å sjå at stemninga er så god, men for oss som er glade i NRK er dette triste dagar. Det sa Terje Gilleshammer under sin appell under arrangementet.
- Det er trist for å oss å høyre eldgamle reprisar i våre sendeflater på radio. Det er trist å sjå dyreprogram i reprise frå februar 2004 når det skulle ha vore dagsrevyen med det siste av det siste. Det vi ser når vi har vore rundt i fylket og prata med folk er at det er mange som syns dette er trist, sa streikeleiaren vidare. LES HEILE APPELLEN HER.
NY DUETT: Laila B & Birgers vart danna under streikekonserten. Det svingte då Laila Beathe Førde og Birger Meland spelte opp.

KOSTE SEG: Publikum fekk underhaldning og god mat. Då kosar Sunnfjordingane seg.

Storkoste seg
Publikum såg ut til å storkose seg i sommarveret utanfor Førde Torg. I tillegg til at dei fekk underhaldning, alvor og humor frå scena, fekk dei også god mat. Kokkelærar Steinar Lindstrøm hadde med seg to elevar frå Øyrane vidaregåande skule som serverte bakte poteter med kjøtfyll. I tillegg serverte Roy Fauske og Stian Sjursen grilla annanas med vaniljeost.

Bla opp, Bernander!
Vi er best på oppslutnad, men langt i frå best på løn. Der ligg vi på 43. plass. Dette er ikkje godt nok. No må Bernander bla opp. Det var den klare bodskapen frå NRK-journalistane som avslutta konserten saman med Oddar Torsheim på scena. 

 

 

ODDVAR OG STREIKANDE: Konserten vart avslutta med streikande NRK-journalistar og Oddvar Torsheim på scena.

BAKT POTET: Øyrane vidaregåande skule serverte bakt potet med kjøtfyll. Roy og Stian, serverte grilla annanas.

STEMNING: Det vart vakker og god stemning då Øyvind Lyslo fann fram gitarsen sin under streikekonserten.

FOLKEMUSIKK: Synnøve Bjørset spelte folkemusikk under streikekonserten.


Idium webpubliseringWEBPUBLISERING