| Fire medlemmer Vartdal overtok som klubbleiar i slutten av september. - I ein liten redaksjon som Fjordingen, blir det til at slike verv går på omgang. No var det min tur, seier Vartdal. Klubben i Fjordingen betår av fire medlemmer: Sigrid Heggestad, Hans Holmøyvik, Ove Sveen og Harald Vartdal. Ny redaktør i avisa Bengt Flaten byrja som redaktør/dagleg leiar i Fjordingen 1. august. Klubbleiaren er spent på sin nye sjef. -Han har høge ambisjonar på avisa sine vegne. Det set redaksjonskubben naturlegvis pris på. Alle har felles ønskje om å utvikle avisa vidare, seier Vartdal. Nytt avishus Til våren flyttar Fjordingen inn i nytt avishus. Då vil alle tilsette for første gong på tjue år kome under same tak. - Vi er også inne i ein svært hektisk periode med opplæring i å bruke det nye produksjonsverktøyet til Orkla-avisene - RASK. Så her skjer det mykje på ein gong, avsluttar Vartdal. |
Klubbleiar Harald Vartdal. |
Vartdal ny klubbleiar i Fjordingen
(22.11.05) Harald Vartdal har teke over NJ-klubba i avisa Fjordingen i Stryn. Vartdal tek over etter Hans Holmøyvik. Vi takkar for innsatsen til Hans, og gratulerer Harald.
