Innstilling frå valkomiteen i NJ på ny nestleiar
Valkomiteen i Norsk Journalistlag innstiller Margrethe Håland Solheim frå TV 2 som ny nestleiar i organisasjonen.
Pressemelding frå valkomiteen i NJ:
Solheim er 33 år og i dag landsstyremedlem og leiar for NJs største klubb, Klubb 2.
Margrethe har lang fartstid i NJ. Ho starta som journalist som 16-åring og fekk sitt første NJ-verv i studentklubben ved OsloMet i 2012. Vidare heldt ho fram i styret for NJ Oslo i seks år, to av dei som nestleiar. I TV 2 kom ho inn i klubbstyret i 2018 og har vore leiar frå 2021.
I landsstyre-samanheng har ho vore med sidan 2019 og på fast plass sidan 2021. Sidan då har Margrethe også vore med i forhandlingsutvalet for MBL-området. Den siste perioden har ho fast
plass i Arbeidsutvalet (AU) i NJ.
Jan Børge Leirvik, leiar av valkomiteen. Foto: Gerd Johanne Braadland/NRK
Det er altså ein erfaren tillitsvald valkomiteen her innstiller. I valkomiteens samtalar og innspelsrundar med tillitsvalde i NJ, er det svært mange som peikar på Margrethes kvalitetar og ynskjer ho som nestleiar. Me trur ho er eit godt val for framtida, og at ho saman med leiar Dag Idar Tryggestad vil utgjera eit godt leiarteam den kommande perioden, 2025-27.
Innstillinga frå valkomiteen er samrøystes.
Vala skal gjerast på landsmøtet i NJ 18. – 20. mars. Innstilling på andre landsstyremedlemmar vil bli lagt fram der.
Bergen 18. desember 2024
Jan Børge Leirvik, leiar i valkomiteen i Norsk journalistlag
NRK-oppgjøret i mål
Forhandlingene mellom NJ og NRK er i mål med et generelt tillegg på 31 250 kroner til alle og en økning i ulempesatsene. – Fornøyd med et godt tillegg i en urolig tid, sier forhandlingsleder Anne Berit Larsen.
30. april 2025
NRK-oppgjøret 2025 er i gang
Forhandlingene mellom NJ og NRK startet i dag. Økonomisk trygghet for medlemmene er viktig i dette oppgjøret.
25. april 2025
Forhandler tariffavtale for produksjonsbransjen
Snart skal NJ i forhandlinger om tariffavtale med Virke. – Noe av det største og viktigste for NJ på mange år, sier leder Dag Idar Tryggestad.
11. april 2025
Fant du det du lette etter?