Innstilling frå valkomiteen i NJ på ny nestleiar
Valkomiteen i Norsk Journalistlag innstiller Margrethe Håland Solheim frå TV 2 som ny nestleiar i organisasjonen.
Pressemelding frå valkomiteen i NJ:
Solheim er 33 år og i dag landsstyremedlem og leiar for NJs største klubb, Klubb 2.
Margrethe har lang fartstid i NJ. Ho starta som journalist som 16-åring og fekk sitt første NJ-verv i studentklubben ved OsloMet i 2012. Vidare heldt ho fram i styret for NJ Oslo i seks år, to av dei som nestleiar. I TV 2 kom ho inn i klubbstyret i 2018 og har vore leiar frå 2021.
I landsstyre-samanheng har ho vore med sidan 2019 og på fast plass sidan 2021. Sidan då har Margrethe også vore med i forhandlingsutvalet for MBL-området. Den siste perioden har ho fast
plass i Arbeidsutvalet (AU) i NJ.
Jan Børge Leirvik, leiar av valkomiteen. Foto: Gerd Johanne Braadland/NRK
Det er altså ein erfaren tillitsvald valkomiteen her innstiller. I valkomiteens samtalar og innspelsrundar med tillitsvalde i NJ, er det svært mange som peikar på Margrethes kvalitetar og ynskjer ho som nestleiar. Me trur ho er eit godt val for framtida, og at ho saman med leiar Dag Idar Tryggestad vil utgjera eit godt leiarteam den kommande perioden, 2025-27.
Innstillinga frå valkomiteen er samrøystes.
Vala skal gjerast på landsmøtet i NJ 18. – 20. mars. Innstilling på andre landsstyremedlemmar vil bli lagt fram der.
Bergen 18. desember 2024
Jan Børge Leirvik, leiar i valkomiteen i Norsk journalistlag
Dagbladets Finn Graff vant Årets avistegning
Finn Graff vant prisen Årets avistegning 2025 for sin tegning av Epstein som hjemsøker Trump fra graven. Prisen ble delt ut under Medieleder-konferansen i Trondheim 4. juni.
4. juni 2026
Enighet i Virke-oppgjøret etter mekling
Lønnsforhandlingene mellom NJ og arbeidsgiverne i Virke for tv-produksjonsbransjen kom i havn om formiddagen onsdag 3. juni. Det er enighet om et generelt tillegg på 4,7 prosent med virkning fra 1. april.
3. juni 2026
Meklingen mellom NJ og Virke – informasjon til deg som er medlem
1.–2. juni er det mekling mellom NJ og Virke om tariffavtale for NJ-medlemmer i produksjonsselskap. Her er viktig informasjon til deg som er medlem.
1. juni 2026
Fant du det du lette etter?